Dakong ibaba ng anuman (lalo na ng isang bagay na nakatayo).

1. Táong may nakatataas na posisyon o may hawak ng tungkuling tagapamahala.
→ LÍDER, HÉPE, PINUNÒ, ÚLO

2. Nangunguna at pumapatnubay sa isang gawain.

• • pinunò, pámunuán: Pangngalan
• • magpunò, mamunò, pamunúan: Pandiwa

• ► waláng punò, waláng dúlo
  ➞ Nauukol sa mga pagtatálong walang kabuluhan.
• ► punò't dúlo
  ➞ Ang pinagmulan at nagiging bunga ng isang bagay, gawain, o pangyayari.
  Ayokong makialam sa inyong usapan at bakâ akó pa ang maging punò’t dúlo ng inyong away.

1. Husto na ang laman ng sisidlan, lalo kung hanggang sa bungangà.
→ LIPÓS

2. Okupadong lahat ang espasyo, gaya ng mga manonood (kung sa sine o dulaan).
Punô ng tao ang mall tuwing walang koryente.
→ LIPÓS

3. Walang pagkasiyahan sa gálit o samâ-ng-loob at sa gayon ay makagawa nang hindi marapat.

• • kapupunán, pamunô: Pangngalan
• • ipunô, magpunô, makapunô, mamunô-munô, mapunô, pagpunán, punuín, punán: Pandiwa
• • punóng-punô: Pang-uri

• ► punô na
  ➞ Hindi na makapagtimpî sa matinding gálit; ubós na ang pagpapaumanhin.
• ► bahalà ka nang magpunô
  ➞ Ikaw na ang magdagdag ng mga pagkukulang.

Punongkahoy o ang katawan nitó.

• • mapunò: Pang-uri