1. Sistema para sa tagal ng pag-iral ng sanlibutan mula sa nakaraan hanggang sa hinaharap na sinusukat sa pamamagitan ng minuto, araw, taon, atbp.
Mabilis lumipas ang panahón.

2. Kung kailan karaniwang nangyayari o dapat mangyari ang anuman.
Panahón na para magbago ka.

3. KASAYSAYAN Bahagi ng kasaysayan na may mahalagang katangian.
Katakot-takot maging subersibo noong panahón ng Kastila.
→ EDÁD, PERIOD

4. METEOROLOHIYA Tingnan ang wéder
Maaliwalas ang panahón ngayon.

5. Tagal na ikinaganap ng isang pangyayari.
Naghintay siya ng napakatagal na panahón.
→ ÓRAS

• • kapanahúnan, pamanahón, pánahúnan: Pangngalan
• • kapanahón, napapanahón, pana-panahón: Pang-uri

• ► gintô ang panahón
  ➞ Mahalaga ang panahon.
• ► masamâ ang panahón
  ➞ Madilim ang langit; malakas ang hangin at ulan.
• ► naiíwan ng panahón
  ➞ Hindi umuunlad.
• ► nilipásan ng panahón
  ➞ Tumanda na (gaya ng isang tumandang dalaga).
• ► sinasapanahón
  ➞ May regla.
• ► tagâ sa panahón
  ➞ Káyang tanggapin ang anumang pagsubok; husto sa gulang o karanasan; nasa kalagayang handang-handa.