1. Pagyarì ng tela; pagbuo ng bagay o disenyo gamit ang pinagsalit-salit na sinulid o hibla.
Mabilis at maganda ang hábi ng baróng-tagalog.

2. Paglikhâ ng mga bagay na hindi totoo.
Nakatatakot ang hábi ng kuwento tungkol sa mga batà.

• • habíhan, manghahábi, paghábi, pagkahábi: Pangngalan
• • habíhin, hinábi, humábi, ihábi, ipahábi, magpahábi, pahabíhin: Pandiwa
• • hinábi: Pang-uri

• ► humábi ng katwíran
  ➞ Lumikha ng mga katwirang hindi totoo o gawa-gawa lámang.
  Humábi ng katwíran ang mga mag-aaral kayâ nakalusot silá sa púnong-gurò ng kanilang paaralan.
• ► hábi ng dilà
  ➞ Mga balitang hindi totoo; tsismis.
  Huwag mo siyang paniwalaan, sapagkat ang ibinalita niya sa iyo ay isang hábi ng dilà lámang.

Yaring katulad ng sa káyo.
Hábi sa pinya ang baróng-tagalog ko.

Lumigpit o tumabi upang hindi makasagabal.
Habì ka riyan! Nagmamadali ako!
→ ALÍS, LAYÔ, TABÍ

• • paghabì: Pangngalan
• • humabì: Pandiwa