1. Malakas na palò.
Lumatay sa kaniyang braso ang hampás ng sanga ng kahoy.
→ HAMBÁLOS, HAPLÍT

2. Ginagawa sa pagbubuwal o pagpapatumba ng anuman.
Ang malakas na hampás niya sa punò ng saging ang nagpatumba rito.

• • paghampás: Pangngalan
• • hampasín, hinampás, humampás, ihampás, ipanghampás, maghampásan, manghampás: Pandiwa

• ► hampás sa kalabáw, sa kabáyo ang látay
  ➞ Pasaring na pangungusap na ipinaririnig sa isang kinamumuhian.
• ► hampás-tikín ang áraw
  ➞ Kiling na sa kanluran ang araw.
  Hampás-tikín na ang áraw nang umuwi ang panganay niya sa bahay dahil sa maghapong paglalako ng paninda.
• ► hampás ng lángit
  ➞ Parusa ng Diyos.
  Hampás ng lángit ang dinaranas nilang kahirapan.
• ► hampásang-álon, hampás-álon
  ➞ Tabing dagat, baybáyin.
  Halos sa hampás-álon na nakatirik ang bahay ng matanda.
• ► hampás-kalabáw
  ➞ Walang awang paggulpi.
  Hampás-kalabáw ang ginawa niyang parusa sa anak.

PANGINGISDA Isang uri ng baklád o kurál.