1. Paggamit ng isip at katawan upang matupad ang isang layunin.

2. Anumang pinagkakaabalahan, ginugugulan ng lakas, o pinaglalaanan ng oras.
→ AKSIYÓN, ÁKTO, KÍLOS

3. Bagay na nalikha o ibinunga ng isang tiyak na kilos.

4. Pagtupad sa tungkulin.

5. Tingnan ang akdâ
→ SUMIKAT ANG KARAMIHAN SA MGA GAWÂ NG PABORITO KONG MANG-AAWIT.

• • gawáan, gawáin, kagagawán, manggagawà, pagawáan, paggawâ, pagkakagawâ, pagsasagawâ, panggawâ: Pangngalan
• • gawán, gawín, gumawâ, igawâ, isagawâ, makagawâ, mapagawâ: Pandiwa
• • mapaggawâ: Pang-uri

• ► kúlang sa gawâ
  ➞ Hindi natutupad ang sinasabi.
  Kúlang sa gawâ ang táong iyan kayâ huwag mo siyang asahan.
• ► hindî gawáng táo
  ➞ Masamáng kagagawan na maaaring mahiwaga.
  Dalhin mo siya sa magaling na albularyo dahil hindî gawáng táo ang nararamdaman niya.
• ► waláng gawáng mabúti
  ➞ Mapanlikha ng gulo o palaaway.
  Huwag kang makibarkada sa waláng gawáng mabúti.
• ► waláng magawâ
  ➞ Walang ibang magawa kundi mga kalokohan.
  Waláng magawâ ang táong 'yan kayâ ka tinutukso.

1. Nayarì o nakompone na.
Maaari ka nang manood ng telebisyon sa sála dahil gawâ na ito.

2. Bunga ng lakas o kapangyarihan.
Maraming natumbang punò ng saging na gawâ ng malakas na bagyo.