1. Pagkaing nakahandâ na sa mesa.
Ang háin sa mesa ay pára sa mga bagong datíng na bisita.

2. Paghahandâ ng pagkain sa hapag o mesa.
Ilang sandali na lámang at maaari nang kainin ang háin sa dúlang ng bagong kasal.
→ ÁHIN

• • paghaháin: Pangngalan
• • haínan, hinaínan, hináin, iháin, ipaháin, magháin, magpaháin: Pandiwa

• ► haínan at pag-urúngan
  ➞ Ikinakapit sa mga táong tamad at walang ginagawa kundi kumain at matulog sa buong maghapon.
  Napipintasan si Lelia ng kaniyang biyenan dahil sa haínan at pag-urúngan siyang parang reyna.