1. Pagpapalabas ng bala sa baril, kanyon, at iba pang katulad na sandata o ang tunog na nalilikha nitó.

2. Biglang pagkasira ng anumang bagay na lumikha ng malakas na ingay.

3. Pagkabasag ng marurupok na bagay (gaya ng baso) kapag nilagyan ng mainit na tubig.

4. Pagbuka ng balát ng mga bungangkahoy dahil sa matinding init ng araw.

5. Biglang pagkalat ng balita tungkol sa isang lihim.

6. Paglabas ng tinayang numero sa sugal (lalo kung sa huweteng).

7. Kolokyal na tawag sa anghit.

• • paputók: Pangngalan
• • putók, magpaputók, paputukán, paputukín, pumutók, magputók: Pandiwa
• • pumuputók, putók-putók: Pang-uri

Uri ng maliit, matigas, at bilog na tinapay sa Pilipinas na mayroong hiwà sa ibabaw.

May lamat, básag, o anumang pinsala na parang bumuka.
Putók ang tiyan ng mga isdang húli sa pagpapasabog ng dinamita.