EKONOMIKS Tingnan ang péra

• • mangunguwárta: Pangngalan
• • kinuwartahán, kuwartahán, kuwartahín, magkakuwartá: Pandiwa
• • makuwartá: Pang-uri

• ► kinuwartahán
  ➞ Hiningan ng malaking halaga sa maliit na paglilingkod.
• ► kuwartá na
  ➞ Tiyak na.
• ► mabigát ang kuwartá
  ➞ Mahirap kumita ng salapi o pera.
• ► magaán ang kuwartá
  ➞ Madaling kumita ng salapi o pera.
• ► hindî tumatáe ng kuwartá
  ➞ Walang pinagkukunan ng limpak-limpak na salapi.
• ► maínit ang kuwartá
  ➞ 1. Hindi nagtatagal ang pera; gastador. 2. Mapanganib dampútin.
• ► nagtátapón ng kuwartá
  ➞ Kung gumugol ay labis-labis.
• ► mukháng kuwartá
  ➞ Sa salapi lámang tumitingin; walang mahalaga kundi pera.
• ► dinaán sa kuwartá
  ➞ Salapi ang ginamit upang matamo ang minimithi.
• ► kuwartáng náging bató
  ➞ Pagkabigo.
• ► nagsasálok ng kuwartá
  ➞ Malakas kumita ng salapi.
• ► mababà ang kuwartá
  ➞ Ang halaga ng salapi ay mababa.
• ► nakúha sa kuwartá
  ➞ Nakuha ang ibig sa pamamagitan ng salapi.
• ► kuwartahín na
  ➞ Sa halip na magbigay ng anumang bagay, ay salapi na lámang; ipagbili na upang maging kuwarta.
• ► madalî ang kuwartá
  ➞ Madalî ang pagkita ng salapi.
• ► nagpagúlong ng kuwartá
  ➞ Namuhunan sa isang hanapbuhay.
• ► maliwánag na kuwartá
  ➞ Tiyak na tutubo o kikita.
• ► nagpápalabás ng kuwartá
  ➞ Nagpapautang nang may patubò.
• ► tabí sa krus ng kuwartá
  ➞ Pasintabi sa halaga ng salapi.
• ► hindî tumitíngin sa kuwartá
  ➞ Hindi dahil sa kuwarta ang pakikipagkapuwa.
• ► nahihigâ sa kuwartá
  ➞ Masalapi, mayaman.
• ► masamáng kuwartá
  ➞ Salaping galing sa masamang paraan.
• ► binilí ng kuwartá
  ➞ Mahalaga kayâ dapat pahalagahan.
• ► umayáw sa kuwartá
  ➞ Tumanggi sa pagtanggap ng isang mahalagang bagay.
• ► madalá sa kuwartá
  ➞ Mapasang-ayon dahil sa kuwartang ibinibigay.
• ► nagbigáy ng kuwartá
  ➞ Pinagtubuan; nagbibigay ng panalo.
• ► nagtapón ng kuwartá
  ➞ Pinagkalugihan; natalo sa pustahan.