KWF Diksiyonaryo ng Wikang Filipino

KWF Diksiyonaryo ng Wikang Filipino

Maghanáp ng salitâ

ka•sá•ma

Bahagi ng Pananalita

Pangngalan

Salitang-ugat

sáma

Kahulugan

1. Sinumang kasabay at katulong sa anumang lákad o lakarín.
Si Ana ang kasáma ko sa pagtúngo sa palengke kahapon.

2. Mga kasuno o kapisan sa isang tirahan o tahanan.
Mga magulang, kapatid, at pamangkin ang kasáma ko sa bahay.

3. Tingnan ang kalakíp
Mga gámit sa pananahi ang kasáma nitó sa loob ng kahon.

4. Kapanalig sa isang samahán o kilusan.

Paglalapi

• kasamahán: Pangngalan
• kasamáhin, kinasáma, makasáma: Pandiwa
• magkasáma: Pang-uri

ka•sa•má

Bahagi ng Pananalita

Pangngalan

Salitang-ugat

sáma

Kahulugan

Kapuwa may-ari ng lupang sinasaka at sumasaka o gumagawa nang ayon sa kasunduan.
→ MAGSASAKÁ, KABÁKAS

Tampók na Salitâ

píta

Tingnán ang kahulugán, at ibá pa.

Alám mo ba?

Nakabása ka na ba ng karagatán? Namangha sa isang lilók o nakasaksi ng isang pangálay? Ilan lámang ang mga ito sa ating katutubong sining na ipinagdiriwang natin sa Buwan ng Síning tuwing Pebrero.