Ukol sa pagtanggi o hindî pagsang-ayon.
Hindî maganda ang ginawa mong pagpapahiyâ sa kaniya.
→ ÁYAW, DILÌ, PAGSALUNGÁT

• • kahindián, paghindî: Pangngalan
• • hindián, humindî, ikahindî, magkahindían, makahindî, pahindián: Pandiwa
• • pinahindián: Pang-uri
• • hindíng-hindî: Pang-abay

• ► hindî kakánin ng apóy
  ➞ Napakarumi na iniuukol sa damit.
  Magpalit ka na ng damit at hindî kakánin ng apóy ang suot mo.
• ► hindî kakapítan ng alikabók
  ➞ Bihís na bihís.
  Saan ka pupunta? Tíla hindî kakapítan ng alikabók ang porma mo, a!
• ► hindî káya ng bulsá
  ➞ Walang sapat na pambayad.
  Huwag ka nang magpatuloy sa pag-aaral dahil hindî káya ng bulsá natin.
• ► hindî gawáng birò
  ➞ Lubhang mahirap; isang mabigat na gawain.
  Hindî gawáng birò ang mga gawaing bahay.
• ► hindî makáin
  ➞ Hindî mapilit mapaniwala ang sarili.
• ► hindî magkabibíg
  ➞ Walang maisumbat o maisurot.
  Napakabait niya, kayâ akó’y hindî magkabibíg sa kaniya.
• ► hindî malulón
  ➞ Hindî matanggap ng sarili; hindi maamin ng budhî.
  Hindî malulón ng sarili kong magpakasal sa kaniya.
• ► hindî malulón nang buô
  ➞ Hindî matanggap ang katwiran. Hindi matanggap ang pakikisama.
  Humingi man siya ng tawad hindî ko malulón nang buô ang kaniyang mga sinabi.
• ► hindî masarhán ang bibíg
  ➞ Hindi masaway sa pagmumura; ayaw tumigil sa kasasalita.
  Galít pa siya kayâ hindî masarhán ang bibíg niya sa pagbubunganga sa mga anak na nagkasala.
• ► hindî makaábot
  ➞ Hindî makaintindi ng katwiran.
  Anuman ang sabihin hindî makaábot ng katwiran ang táong sarado ang utak.
• ► hindî makúha sa bibíg
  ➞ Hindî makúha sa mabuting pangaral.
  Hindî makúha sa bibíg ang katigasan ng ulo niya kayâ siya naparusahan ng ina.
• ► hindî na makasampá sa púgad
  ➞ Mahinà na; matanda na.
  Hindî na makasampá sa púgad si lolo dahil sa katandaan.
• ► hindî pababaúnan ng sanggátang na bigás
  ➞ Malapit lámang ang pupuntahan.
  Hindî pababaúnan ng sanggátang na bigás ang anak na sasaglit lang sa kaniyang mga lolo at lola.
• ► hindî sa hagdán kundî sa bintanà nagdaán
  ➞ Nagtanan.
  Hindî sa hagdán kundî sa bintanà nagdaán ang magkasintahan na pinaghihigpitan ng mga magulang.
• ► hindî sa pangungúnang baít
  ➞ Pagpuna ng táong sa tingin niya'y mas makabubuti ang ibinibigay niyang solusyon o rekomendasyon; hindi sa pagpapalagay na walang halaga ang ginagawa o iniisip ng iba.
  Hindî sa pangungúnang baít sana ay pinagbigyan mo na lang siyang mangibang bansa.
• ► hindî makúha
  ➞ Hindî magawâ o walang panahon upang magawâ ang isang bagay.
  Hindî makúhang dumalaw sa matanda ang mga kamag-anak niyang nása malalayong lugar.
• ► hindî makúha sa tingín
  ➞ Hindi mapasunod o kayâ ay ayaw makinig sa pamamagitan ng tingin lámang.
  Hindî makúha sa tingín ang mga batang nakakaistorbo sa mga panauhin.