1. Pag-aalis ng butil ng mais sa búsal.
Mabilis ang himáy niya sa butil ng mais pára madali itong makain.

2. Pagtatalop o pag-aalis ng butó ng gulay o prutas (gaya ng patanì, bataw, langkâ, sitaw, atbp); pag-aalis ng laman o karne mula sa lamandagat (gaya ng alimásag, alimángo, tulya, atbp).
Kaunti lang ang himáy ng laman ng alimasag na ipakakain niya sa sanggol.

3. Pag-aaral o pagsusurì ng isang bagay nang isa-isa.
Masusì ang himáy ng mag-aaral sa bagong paksang ibinigay ng kanilang gurò.

• • paghimáy: Pangngalan
• • himayín, ihimáy, ipahimáy, ipakihimáy, maghimáy, paghimayín: Pandiwa