Halo-halong gas na bumubuo sa atmospera ng daigdig na naglalanghap at nagtataglay ng mga sangkap na mahalaga sa pagpapanatili ng búhay.
→ ÁNGIN, DÚROS, ÉRE, PARÓS, WIND

• • kahangínan, páhangínan: Pangngalan
• • hangínin, humángin, magpahángin, mahangínan, pahangínan: Pandiwa
• • mahángin: Pang-uri

• ► magbágo ang hángin
  ➞ Magbágo ang mga pangyayari.
  Sa simula ay nananalo silá, ngunit nang magbágo ang hángin ay natigil ang kanilang pangangantiyaw.
• ► humábol sa hángin
  ➞ Maghangad o umasa sa wala.
  Humábol sa hángin ang mga táong pinangakuan ng politiko.
• ► may hángin ang úlo
  ➞ Sinungaling; mapagsabi ng mga kahambugan; mayabang.
  May hángin ang úlo ng kaklase kong bagong lipat.
• ► palipád-hángin
  ➞ Parinig sa isang babaeng hindi mapagtapatan nang tuwiran.
  Palipád-hángin lámang ang pagligaw niya sa dalaga dahil sa hiya.
• ► paraáng hángin
  ➞ Salita o pangungusap na walang halaga.
  Paraáng hángin lámang ang sinabi niya dahil wala itong katuturan.
• ► malakás ang hángin
  ➞ Ipinaririnig sa isang nagsasalita ng mga kahambugan.
  Malakás ang hángin kapag nagsasalita ang binatang iyan.
• ► tinamáan ng hángin
  ➞ Pariralang malimit mabigkas kapag ang isang tao ay may isinisisi sa kapuwa.
  Tinamáan ng hángin, bakit gayon naman ang ginawa mo sa kaniya?
• ► nasampál ng hángin
  ➞ Sinasabi sa isang nawawalan ng málay-tao na ang dahilan umano ay masamáng hanging tumama sa kaniya.
  Maaaring nasampál ng hángin ang hinimatay na babae.

• • katamtámang-hángin — Pangngalan