1. Ginagawa upang makita ang anumang nawawala; pagsaliksik sa mga lugar na kinaroroonan ng bagay na ibig makita.
Inaraw-araw niya ang hánap ng mga aklat na kailangan sa saliksik na ginagawa.
→ TUNTÓN

2. Kuwarta o anumang bagay na kiníta sa pagtatrabaho.
Natugunan niya ang pangangailangan ng kaniyang pamilya dahil sa hánap na pera.

• • hanapán, paghánap, pinaghanápan: Pangngalan
• • hanápan, hanápin, hinahánap, hinahánap-hánap, hinánap, humánap, ihánap, ipaghanáp, maghanapán, maghanáp, makihánap, paghanápan, paghanápin, pinaghanáp: Pandiwa
• • mapaghánap: Pang-uri

• ► hánap sa túbig
  ➞ Kapalarang nakuha sa hindi mabuting paraan.
• ► humánap ng sakít ng úlo o katáwan
  ➞ Gumawa ng isang bagay na sa halip makabuti sa sarili ay lalong nakapagdulot ng samâ.
  Humánap ng sakít ng úlo ang kapatid kong nagpalayaw sa anak.
• ► paghánap ng bútas
  ➞ Paggawa ng paraan o dahilan upang magsabi o makaiwas sa pananagútan.
  Ang paghánap ng bútas sa hindi niya pagbabayad ang madalas niyang ginagawa sa kaniyang pinagkakautangan.
• ► nakíta ang hinahánap
  ➞ Malimit masabi sa isang táong napasubo sa basag-ulo dahil sa kapalaluan.
  Nakíta ang hinahánap niya nang makulong siya dahil sa pakikipag-away.
• ► pinaghahanápan
  ➞ Sinisisi sa pagkukulang.
  Madalas na pinaghahanápan niya ng dahilan ang bunsong kapatid sa pagkakasakit ng amá.
• ► humánap ng katí ng katawán
  ➞ Ibig na magkaroon ng basag-ulo.
  Binawalan na siyang lumabas ngunit lumabas pa rin ng bahay at humánap ng katí ng katawán.
• ► humánap ng batóng ipinukpók sa úlo
  ➞ Gumawa ng isang bagay na nakapinsala sa sarili.
  Pára siyang humánap ng batóng ipinukpók sa úlo nang mag-asawa siyáng mulî ng laláking tamad palá.
• ► humánap ng hírap ng katawán
  ➞ Gumawa ng isang bagay na hindi káya.
  Pagtapusin muna ang mga anak bago humánap ng hírap ng katawán sa mga pamangkin.