1. ANATOMIYA Bukás na bahagi sa ibabâ ng ulo na may labì, dinaraanan ng pagkain, at kinalalagyan ng mga ngipin at dila na mga organ sa pagsasalita.
→ BÓKA

2. Tawag din sa bukás na bahagi ng anuman.
→ BUNGANGÀ

3. Katumbas ng táong pinakakain.
Limang bibig ang umaasa kay Juan.

4. Kinatawang tagapagsalita.
Si Romulo ang bibíg ng Pilipinas sa Samahán ng mga Nagkakaisang Bansa.

• ► bukámbibíg
  ➞ Bagay na madalas sabihin.
  Ang pagpunta sa Amerika ang bukámbibíg ni Alfonso.
• ► inágaw ng bibíg
  ➞ Paggamit o pagkuha ng halagang para sa pagkain upang mapagtakpan ang ibang pangangailangan.
  Ang ibinili ko ng kaniyang sapatos ay inágaw ko lámang sa aming bibíg.
• ► hindî magkakabibíg
  ➞ Hindi makasusumbat.
  Hindi silá magkakabibíg sa akin sapagkat ako ay nakatutulong sa kanila.
• ► magalíng ang bibíg
  ➞ Mahusay magsalita o magtalumpatì.
  Sa isang kandidato ay mabuti na ang magalíng ang bibíg.
• ► masamâ ang bibíg
  ➞ Táong mapagmurá.
  Maraming galít sa taong masamâ ang bibíg.
• ► nahúli sa bibíg
  ➞ Nabisto dahil sa kadaldalan.
  Nahúli ko siya sa bibíg na nagsisinungaling.
• ► nakatíkom ang bibíg
  ➞ Tumangging magsalita.
• ► napasákan ang bibíg
  ➞ Nasuhulan kayâ tumahimik.
• ► waláng bibíg
  ➞ Walang karapatang makialam.
  Waláng bibíg si Nora sa kaniyang mga kapatid sapagkat siya ang pinakabata.
• ► waláng bukámbibíg
  ➞ Walang ibang sinasabi (kundi isang bagay).
  Wala siyang bukámbibíg kundi ang paglayas.
• ► may lakás ang bibíg
  ➞ May katwirang magsalita.
  May lakás ako ng bibig sa kanila sapagkat ako ay nása katwiran.
• ► hindî masarhán ang bibíg
  ➞ Hindi masaway sa pagmumurá o ayaw tumigil sa kasasalita.
• ► dinaán sa bibíg
  ➞ Ginamitan ng magaling na pagpapaliwanag.
• ► tahî ang bibíg
  ➞ Nauukol sa batang mahiyain at ayaw magsalita.
• ► mabigát ang bibíg
  ➞ Hindi mahilig bumatì o magsalita.
  Mabigát ang bibíg ng táong iyon kayâ wala kahit isang kaibigan.
• ► magaán ang bibíg
  ➞ Palabatì.
• ► mabuká sa bibíg
  ➞ Hindi sinasadyang iyon ang nasabi.
• ► nagbubusá ang bibíg
  ➞ Nagmumurá nang malakas.
• ► nakúha sa bibíg
  ➞ Napaniwala sa mabuting pananalita.
• ► hindî mabibíg
  ➞ Tahimik.
• ► waláng bibíg
  ➞ Nauukol sa batang mahiyain at ayaw magsalita.
  Waláng bibíg ang batang iyan kahit sa silid-aralan.
• ► magalíng ang bibíg
  ➞ Táong nakagagawa ng orasyon.
  Hanga silá kay Mang Andoy na magaling ang bibíg sapagkat binulungan lámang sa noo ang batang maysakít ay gumaling kaagad.