1. Hungkag na bahagi sa anumang rabáw na solido.
Naghukay siya ng malaking bútas sa kanilang hardin.

2. Puwang sa anuman na napaglulusutan ng mga bagay.
Malaki ang bútas ng karayom.
→ SUOTÁN

3. Tingnan ang lagúsan
Ang bútas ng kuweba ay masyadong makitid.

4. Tingnan ang tágas
May bútas ang láta ng tubig.

• • pagbútas, pagkabútas, pambútas: Pangngalan
• • binutásan, binútas, butásan, butásin, mabútas, magbútas, magpabútas, pagbutás-butásin: Pandiwa
• • butás, butás-butás: Pang-uri

• ► nakasílip ng bútas
  ➞ May nakitang dahilan o paliwanag.
  Si Carlos ay nakasílip ng bútas upang makaligtas sa parusa.
• ► panakíp-bútas
  ➞ Anumang pampalit.
  Panakíp-bútas niya lang ang bágong girlfriend.
• ► pamútas ng sílya
  ➞ Táong dumalo sa sayáwan na hindi marunong sumayaw.
• ► waláng bútas
  ➞ Walang makitang kasiraan o kamalian.

May sirà na maaaring daanan ng mga bagay.